Para a realización deste noso soño, de levar adiante as Cabanas sen Barreiras, contamos co gran apoio e ampla financiación do Grupo de acción local pesqueiro (GALP), do seo de Fisterra, Ría de Muros-Noia.

E que é iso dos GALP? Os GALP son grupos de acción local dentro do sector pesqueiro que se constitúen como asociacións sen ánimo de lucro. Están compostos por entidades que representan os intereses socioecónomico locais públicos e privados dentro da súa zona de acción e influencia, e dentro das súas misións, destaca a de elaborar unha estratexia de desenvolvemento local participativo, a conta do Fondo Europeo Marítimo e de Pesca.

Dentro desta estratexia local de desenvolvemento, prevense axudas a proxectos, que, como o noso, cumpren unha serie de criterios que os mesmos GALP recollen nos seus planos estratéxicos.

A prioridade deste proxecto

A prioridade deste proxecto, segindo os criterios dos proxectos GALP enmarcados na zona Fisterra Ría de Muros-Noia, sería a do crecemento económico, a inclusión social, e a mobilidade laboral nas comunidades costeiras e de interior dependentes da pesca e da acuicultura. Ademáis da diversificación das actividades realizadas no marco da pesca e respecto doutros sectores da economía marítima.

Os compromisos adquiridos co GALP

Para poder seren adxudicatarios das devanditas axudas financierias dos GALP, en Cabanas sen Barreiras, xa fieis á nosa idea de proxecto, temos adquiridos unha serie de compromisos que virán a garantir a nosa prioridade de crecemento socioeconómico da zona, a través do noso principal obxectivo, que pasa polo desenvolvemento de servicios de turismo para todos.

Dentro das directrices de paisaxe e medio ambiente, temos adquiridos os compromisos de:

• Estudo e integración paisaxística. Na elaboración do proxecto deseñamos un estudo de impacto e integración paisaxística.
• Eliminación de impactos paisaxísticos, xa que temos eliminados elementos que non forman parte da paisaxe natural da nosa zona, e temos rehabilitado outros, como un lavadoiro, que si forman parte da mesma.
• Separación e recuperación de augas. Temos recuperado un antiguo regato e respetado as canles de auga naturais que pasan por toda a finca.
• Cobertura vexetal autóctona. Case a totalidade da finca está cuberta con vexetación autóctona como carballos e piñeiros.

Amáis dos compromisos de paisaxe, temos adquiridos outros en canto á adaptabilidade:

• Capacitación para o servicio a persoas con discapacidade
• Eliminación de barreiras físicas
• Comunicación adaptada dentro do establecemento ou ben na súa publicidade a través da web, etc.
• Adaptación a discpacidades, por exemplo, auditivas

En canto a Responsabilidade Social Corporativa, cumpriremos os seguintes compromisos:

• Colaboración con algunha ONG
• Igualdade de xénero no emprego e nas comunicacións da web
• Compromiso co territorio e coa colaboración con outras entidades que tamén son adxudicatarios destas axudas.

Como vedes, os nosos compromisos con vós, co territorio, coa administración, etc. non son poucos, así que á espera de que o proxecto saia por fin á luz, seguimos traballando para cumprir con todos e cada un deles.