Coñecedes os encantos que nos ofrece a contorna na que se ubican as Cabanas sen Barreiras? Neste post descubrirémosvos os recursos que nos ofrece a zona de Muros e Noia e os mostraremos a beleza desta. Este territorio está moi enraizado coa Idade Media, cuxos encantos se deixan ver no cascos vellos das vilas,  ligados ao mar e á pedra. 

A Ria de Muros e Noia ofrece innumerables praias, a maioría de area branca coma a de Ancoradoiro, San Francisco, Aguieira, As Furnas e Basoñas. Ademáis de fabulosas praias, tamén encontramos castros milenarios ao borde do mar como é o de Castro de Baroña.

Máis na zona non só hai rías e praias. O Río Tambre é un dos ríos máis caudalosos de Galiza e permite abastecer a sede dos santiagueses e os seus peregrinos. Esta zona está declarada como ZEC (Zona de Especial Conservación) pola seu patriomonio e riqueza vexetal na que podemos atopar carballos, laureis, érbedos, salgueiros e aveleiras.

Nas súas augas sempre atoparemos algún paisano adicando o seu tempo á pesca, e é que este río é rico en fauna, xa non só dentro da agua, senón que ademáis á beira do Tambre atoparemos animais salvaxes, como son o lobo e o gato bravo, que conforman este ecosistema.

O Río Donas, situado nunha das parroquias máis pequenas de Galiza, ofrece alternativas únicas, xa que este río pertence a ruta do Río Grande, onde atopamos auga mineiro-mediciñal e espectaculares fervenzas en épocas de choiva.

O Monte de Louro, un gran monte granítico dende onde poder apreciar formidables vistas da Ria de Muros e Noia e da Lagoa de Xarfas coa fantástica praia de Area Maior. Este monte semella nacer directamente dende o mar.

Se che gusta a vida faunística,  podes observar as aves migratorias como garzas atraídas por reptís e anfibios.

A praia Area Maior, situada aos pés do Monte Louro, con pouca ocupación de xente, augas cristalinas, area branca e un gran oleaxe que fai que a visiten moitos surfeiros, configúrase como unha das praias máis espectaculares da contorna.

Hoxe presentámosche so algúns dos preciosos lugares que poderás visitar cando te aloxes nas Cabanas sen Barreiras, pero máis adiante irémosche dando máis consellos de visitas. Parécenche poucos? Pídenos máis información na recepción e estaremos encantados de axudarche a crearte un bo plan 🙂