En Cabanas sen Barreiras vímonos obrigados a pausar as obras de construcción dunha das nosas cabanas, e é que a súa construcción era totalmente incompatible con algo que vimos de descubrir: a aparición dun niño de pomba na terraza dunha das cabanas.

A nosa pomba elixiu un lugar seguro, apartado e refuxiado para poder aniñar os seus oviños, así que imos a deixar que a vida siga o seu ciclo e deixaremos o niño tal e onde está, ata que os pichóns vexan a luz do sol e comecen a valerse por si mesmos.

Todas as persoas que traballamos nos proxecto Cabanas sen Barreiras, sentimos un profundo respecto pola nosa paisaxe, o medio ambiente e tódolos elementos naturais que forman parte da nosa contorna. Así, na fase de construcción das Cabanas sen Barreiras, como mostra de respecto ós nosos valores, xa atemos salvagardado moitos dos elementos que son configuradores da nosa identidade paisaxística.

• Cambiamos a ubicación sobre plano dalgunha das cabanas xa que no seu lugar había algún carballo ou algún piñeiro con décadas as súas costas.
• Planificamos o proxecto en base ós regatos e regueiros de auga existentes na finca; sen mudar o seu caudal ou curso, secalos ou tapalos.
• Respectando ó máximo as singularidades do terreo, intervindo o mínimo nos camiños e corredoiras existentes na contorna.
• Mesmo se respectaron espazos propios de certos animais, como as covas dos raposos, e agora, o niño da pomba.

En definitva, mostramos un respecto máximo pola propia finca, a natureza, a paisaxe, a configuración do terreo, e tódolos seus elementos, para que todos eles sigan o seu curso vital e se vexan afectados pola man do home o mínimo indispensable.

Con todo, e mesmo co parón nas obras desta cabana en concreto, as Cabanas están a piques de abrir as súas portas, así que vos convidamos a todos a que esteades atentos, e en canto nos veñades a visitar, non dubidedes en adentrarvos polos nosos camiños a descubrir todos estes recunchos dos que vos estamos a falar, e que vivades a natureza tal e como ela se manifesta dentro desta noso pequeno gran espazo na Serra de Outes.

Deixámosvos xa coa nosa pomba e o seu niño neste vídeo