Como moitos lembraredes, o pasado outono convocábamos o Primeiro Concurso de Pallotas de Millo de San Orente. 

A idea xurdía da necesidade que sentimos de recuperar o millo do país, e as tradicionais pallotas que durante séculos se fixeron ó longo de toda Galicia. Por iso, organizamos xunto coa Asociación Xente de San Orente este concurso de caracter anual, e cuxa fase de participación chega á súa fin.

As bases do concurso

• Poden participar neste concurso os veciños de San Orente
• A fase de elaboración das pallotas é ó longo do mes de outubro
• Os premios entréganse en maio, coincidindo coa abelleira

Os premios

O concurso contempla a entrega de 400€ repartidos deste xeito:

• Un premio de 200€ ó mellor conxunto de pallotas tradicionais de millo de país
• Un premio de 200€ á pallota máis grande e máis vistosa.

Entrega de premios da Primeira Edición do Concurso de Pallotas San Orente 2017

Como comentabamos, o concurso chega agora en maio ó seu fin e é o momento de entregar os premios ós gañadores.

Os gañadores desta edición 2017 son:

• Premio de 200€ ó mellor conxunto de pallotas: Balé, da aldea de Quintenla
• Premio de 200€ á mellor pallota: Carballeira, da aldea de Ousesende

A entrega de premios terá lugar o vindeiro domingo 14 de maio, ás 13h, na Taberna de Casais.

Moitas gracias a tódolos veciños pola súa participación, a Asociación Xente de San Orente, pola súa colaboración e participación no xurado, e a todos os que coas vosas accións contribuides á recuperación da semente do millo do país.