Noia, terra de lendas e meigas

Vimos de inaugurar as nosas cabanas na Finca da Quintenla, unha idílica contorna onde pasar uns días diferentes, nos que a natureza, ti e o teu acompañante conviviredes en sintonía.
Os nosos primeiros visitantes quixeron contarnos por que nos teñen elixido para desfrutar desta experiencia. Tres parellas diferentes mais cun denominador común, que é o espírito libre e aventureiro de querer explotar a contorna, xa sexa en parella ou familia.
Encántanos desfrutar do tempo libre cos nosos, por iso dimos a benvida á primeira familia en vivir unha das nosas cabanas. Viñeron a celebrar o aniversario do pai. Filla, nai e pai tiraron a rolla dunha das súas primeiras experiencias xunto con nós.
Pechamos estas primeiras vivencias con dous mozos que quedaron prendados das nosas cabanas, xa que repiten estancia, mais desta vez son os privilexiados en inaugurar habitación, jacuzzi e baño. Repetirán?
Esperamos sumar experiencias e relatos dos nosos hóspedes. Estamos agardándovos para gozar dunha estancia única na contorna de Serra de Outes, lugar que acolle as nosas novas cabanas.
Reserva xa e cóntanos como o viviches, ó igual que o fixeron estas tres parellas.
Cabanas sen barreiras continúa co traballo desenvolvido por Do Artesanato nos últimos anos. Contará con seis aloxamentos singulares entre as árbores, ecolóxicos e respectuosos có medio ambiente e coa singularidade de estar perfectamente adaptados a colectivos con diferentes discapacidades.
Combina a oferta de actividades de turismo mariñeiro activo vinculadas co litoral, o río e a natureza cun complemento de aloxamentos singulares entre as árbores, ecolóxicos e respectuosos có medio ambiente.
Para levar adiante este proxecto contamos co apoio financeiro da Unión Europea , recibindo axuda do Fondo Europeo Marítimo e da Pesca e da Consellería do Mar.