Como xa vos avanzáramos, o mércores pasado estiveron de visita nas Cabanas sen Barreiras os alumnos do CIFP Carlos Oroza de Pontevedra.

E é que estes alumnos están fórmandose en cuestións de turismo accesible e turismo para todos, por iso, querían coñecer de primeira man o noso proxecto, e ver a parte máis práctica e tanxible da accesibilidade no turismo.

Xunto con Fátima, de Promove Consultoría, e o CIFP Carlos Oroza, organizamos as Xornadas do Campus Vivencial de Emprendemento en Turismo Sostible e Accesible. Unhas xornadas onde se falou de novos xeitos de emprender no eido de turismo, tanto desde unha perspectiva teórica, como práctica, de accesibilidade no turismo como unha necesidade, e do caso práctico do noso proxecto Cabanas sen Barreiras.

Pensamos que tódolos alumnos quedaron contentos con esta experiencia, e que sen dúbida, se irían coa idea de que o Turismo para Todos é xa posible, e cada vez son máis as iniciativas neste sentido.

Non vos queremos entreter máis, deixámosvos xa co vídeo resumo da Xornada, e as caras máis que felices dos rapaces