Estivemos con Manuela Oviedo, xerente do GALP Costa Sostible, (antigo GAC 4 Seo de Fisterra Ría de Muros-Noia) falando do que supón a axuda do GALP ó noso proxecto.

Para quen aínda non saiba o que son os GALP, Manuela respondeunos a unhas poucas preguntas onde nos explica o que son, e tamén a súa contribución a Cabanas sen Barreiras. Non podemos deixar de agradecerlle tanto a Manuela como ó resto da xente do GALP a súa axuda, non só financieira senón tamén todo o seu apoio e experiencia.

Deixámosvos xa coa entrevista a Manuela:

Manuela, para quen non o saiba, que son os GALP e que tipo de proxectos poden conseguir financiamento por esta vía?

Son entidades colaboradoras da Conselllería do Mar na aplicación das Estratexias de Desenvolvemento Local Participativo financiadas polo FEMP no período 2014-2020. Son entidades sen ánimo de lucro onde teñen representción as distintas entidades pertencentes aos sectores ecómomico, público , social e pesqueiro dunha determinada franxa costeira. Ditas entidades aproban unha Estratexia de desenvovlemento para o seu territorio feita coa participación de tódolos axentes do mesmo poidendo obter financiamento todos aqueles proxectos que se adecuen aos obxectivos deste documento.

Cales son as características fundamentais dun proxecto GALP?

O desenvolvemento do proxecto debe contribuir a sostenibilidade da zona costeira onde se empraza atendendo ao crecemento do emprego e a cohesion territorial  na procura do Fomento do crecemento económico, a inclusión social, a creación e a mobilidade laboral nas comunidades costeiras e de interior dependentes da pesca e a acuicultura ou da  diversificación das actividades realizadas no marco da pesca e respecto doutros sectores da economía marítima.

Por que se apoia ao proxecto Cabanas sen barreiras?

Contribúe a sostenibilidade da zona costeira onde se empraza atendendo ao fomento do crecemento económico e a inclusión social i é un exercicio de responsabilidade social corporativa por parte da entidade promotora.

Que se lle aporta e que se lle esixe a un proxecto como Cabanas sen barreiras?

Ademáis de parte do financiamento para o desenvovlvemento do mesmo, e o apoio necesario, aportánselle unha serie de directrices a ter en conta para constituir un modelo de responsabilidade social empresarial no territorio.

Gracias Manuela!