A semana pasada estivemos con Fátima de Promove, que veu de visita ás Cabanas sen Barreiras. Aproveitamos a ocasión para facerlle unha pequena entrevista co gallo de que nos contase a súa experiencia profesional co proxecto Cabanas sen Barreiras e Do Artesanato.

Promove Constultoría e Formación é un proxecto encabezado por Fátima Rodriguez, que traballa nas áreas de desenvolvemento sostible e emprendimento no eido do turismo e a accesibilidade. Dende os primeiros esbozos de Cabanas sen Barreiras, quixemos contar coa experencia e o bo saber facer de Fátima e de Promove en todo o relacionado coa accesibilidade e desenvolvemento sostible, por iso, dende aquí queremos agradecerlle a Fátima o formar parte e colaborar co noso proxecto.

Non vos queremos entreter máis, damos paso ó vídeo de Fátima onde nos explica que é Promove, e cal é a súa relación tanto con nós, Lema e China, como co proxecto Cabanas sen Barreiras.